اسهل طريقة عمل البيتزا بالجبنة بطريقة بسيطة

طريقة عمل البيتزا بالجبنة اليوم نقدمها لكم من موقعكم حنان مصر 

مع بعض البيتزا وهي من اهم الاكلات السريعة والخفيفة اللي كلنا بنحبها وهي اصلها ايطالي ومكونتها سهلة وممكن نعملها بكل سهولة ودلوقتي هنكتب مع بعض المقادير

المقادير 

نص كيلو دقيق

معلقة كبيرة خميرة فورية

كوب لبن للعجن

5 معلاق كاتشب

2 معلقة صلصة

2 معلقة خل

زيتون اسود اخضر شرائح

2 معلقة سكر

4 معلاق زيت زيتون

فلفل الوان شرائح

لحم مفروم وجبن رومي مبشور وجبن موتزريلا مبشور

طريقة التحضير

اول حاجة هنعملها اننا هنضيف السكر للخميرة وعليه قليل من الماء وهنسيبها تخمر وبعد كدة هنقلب الدقيق مع اللبن مع الزيت ونعجنهم مع بعض كويس لحد لما تبقي عندنا عجينة متماسكة وبعدين بنحطها في مكان دافي لمدة ساعة لحد ماتخمر وبعدين بنقسم العجينة لنصفين نفرد نصها في صينية الفرن وبعدين بنضيف نص كمية الجبن الرومي والموتزريلا وبنفرد عليهم باقي العجينة وبنفتح العجينة بالشوكة علشان تفضل متماسكة وبعدين بنفرد عليها الصلصة بعد ما نقلبها بالخل والكاتشب وبعدين بنضيف كل المكونات وبندخلها الفرن