طريقة عمل تورتة البلاك فورت لعيد الميلاد 2015

 اليوم نقدم لكم وصفه رائعة من موقع حنان مصر طريقة عمل تورتة البلاك فورت

تورتة البلاك فورست هي من انواع التورتات اللي بيحبها اطفالنا وممكن نعملها حفلاتنا ومناسباتنا السعيدة وان شاءالله هنعملها مع بعض النهاردا ويارب تعجب حضراتكم وعلشان تطلع ناجحة لازم تتبعو الطريقة بالظبط وكمان لازم تحرصو علي ان المقادير تبقي نظبوطة ماتكنش حاجة منها ناقصة ودلوقتي هنكتب المقادير

المقادير

1-200 جرام كريمة حامضة

2-4 بيضات و50 جرام كاكاو وواحد ونص كوب سكر

3-ربع كيلو دقيق و200 جرام زبدة

4-ملح وفانيليا رشة

5- 1 معلقة صغيرة بيكنج صودا واحد معلقة صغيرة بيكنج بودر

6-كريمة مخفوقة وكريز وشيكولاته مبشورة وشيكولاته سايحة

طريقة التحضير

اول حاجة بنعملها اننا تخفق البيض مع السكر بالمضرب الكهربائي وبعد كدة بنضيف واحده واحده وبنستمر في الخفق وبعد كدة بنضيف لهم الكريمة الحامضة والشيكولاته وبنكمل خفق لحد لما بيبقي عندنا قوام كريمي سائل وبعدين بنضيف الدقيق والكاكاو والملح والبيكنج بودر والبيكنج صودا بعد نقلبهم كويس وبنستمر في الخفق وبعدين بندهن صينية الفرن وبنسكب العجينة وبندخلها فرن لمدة ساعة علي درجة حرارة متوسطة وبعدما تستوي بنسيبها تبرد وبعدين بنقسمها طبقات وبنسقيها عصير الكرز وبتحشيها بطبقات الكريمة وبنغلفها بالكريمة وبعدين بنزينها بالشيكولاته المبشورة وبعدين بنزين التورتة بالكريز والشيكولاته والكريمة وبنقدمها بالهنا والشفا يارب يعجبكم